ترتيب الخطوات

1. شغل السقف ( رمي السقف ) :
   – شغل الكهرباء في السقف مكون من مواسير (خراطيم) وعلب ، والعلب مهم انها تكون في السنتر وال plan معماري مرسوم عليه مكان العلبه.
   – عند صب السقف يجب مراعاه التالي
   أ – اعمل check علي خراطيم الكهرباء ولازم تكون من نوع كويس ، والمواسير بنعملها تحت الحديد لانها لو فوق الحديد هنمشي عليها بعد كدا و وزن الخرسانه ممكن يخليها تتني ونعجز عن تمرير السلك. ولو السقف flat slab يوضع بين الرقتين.
   ب – ممنوع خراطيم تمر من فوق العمود!
   – عندنا الخراطيم بتمشي علي السقف وتنزل علي الحيطه ، وغير صحيح ان الخراطيم تمشي علي الارض ولكن توفيرا بنمشيها. ولكن عند وضع الخراطيم في الارض لا تضع الخراطيم فوق بعضها لان كل خرطوم ليه سمك وسيؤثر علي سمك التشطيب وبذلك بضعف طبقات التشطيب عندي.
2. تركيب العلب :
   كل علبه لها منسوب معين في مكان معين ، والمكان والمنسوب مهندس الموقع دوره انه يستلم العلب في منسوب واحد المسافات مابينهم
3. يجب عمل plan مسبق بأماكن الفرش ؟
   مكان السرير ؟؟ مكان الكنبه ؟؟ مكان التليفزيون … تليفزيون في اكتر من أوضة ولا لأ , التكييفات كام حصان ؟؟ يوجد أباليك ولا لأ ؟ وفين اماكنها ؟؟ هتعمل جيبسو بورد ولا لأ ؟؟ … لأن كل اجابة للأسئلة ديه هيتحدد حاجات كتير… ازاي يعني ؟؟

• لو في سرير ف أوضة ، الطبيعي ان الكهربا بتاعتهم تكون شمال ويمين السرير .. عشان لو انتا نايم وعايز تشحن موبايلك .. تنور الاباجورة … وهكذا
  – لو هتحط كنبه ؟ هتحطها فين ؟؟ عشان على اساس اجابتك هيعملك الكهربا بجانب الكنبة … متجيش تحط الكنبه تلاقي الكهربا ورا الكنبه … يبقي انتا كدة بتداري على الكهربا بتاعتك … فالفرش مهم جدا في توزيع الكهربا بتاعتك … مهم جدا تعرف برضه اماكن كل حاجه ف المطبخ … مكان البوتجاز والثلاجه والميكرويف مثلا لو فيه شفاط …وهكذا .
  – هتعمل جيبسوم بورد وفيه سبوتات ؟؟ لازم تحددله من الاول ..عشان لازم ترميله خرطوم فوق للسبوتات في عملية التأسيس منعا للتكسير بعد كدا
  فكل حاجه هتتحط في الفرش لازم يكون متحدد اماكنها بالظبط عشان تلاقي ان الكهرباء باينة وتقدر تستخدمها بعد الفرش ..
  – التكييفات كمان .. لان التكييفات فيه منها بيطلعلها الكهربا عند الكباس بره وفيه عند الوحدة اللى بتتعلق جوة الشقه ….. على حسب رأي فني التكييف.

ملاحظات هامه:

▪️ لوحة الصاعد او اي لوحه تانيه المفروض بعد ما تركب ، تركب بعد البؤج عشان تمشي مع وش البياض.
▪️ المفروض الحيطه اللي راكب عليها لوحة المفاتيح تكون بسمك 25سم ، لان سمك اللوحه لواحدها حوالي 12 سم.
▪️ لو عندي مفاتح وبريزه ( المفتاح يكون فوق والبريزه بتكون تحت) ولازم يكونوا فوق بعض تماما ومفيش حاجه منهم مترحله.
▪️مش هنشد السلك الا في الاخر وفي الاول هنحط حبل جوه الخرطوم وهسيب الحبل ده ، وبعد التشطيب هشد السلك بتاعي.
▪️ اي مخرج بيكون مكون من علبه وشاسيه ( النحاس) ولُقم.
▪️ سلك التكييفات يفضل يكون 6 مم حتي لو قدرته قليلة.
▪️ سلك برايز القوي 4 مم او 6 مم .
▪️ البرايز والمفاتيح 3 مم.
▪️ السبوتات 1.5 او 2 مم.
▪️ لو هتركب جاكوزي لازم يعملك مخرج الكهربا بتاعه ومينساش فردة السلك الارضي… وفايدة الفرده ديه ان لو فيه كهربا اتسربت للجاكوزي وشخص موجود فيه … الكهربا مش هتوصله ،:) لانه بيكون متوصل بسيخ حديد موجود ف مكان ما تحت ف التربة ..فالكهربا هتتسرب للحديد قبل جسم الانسان وكذلك في برايز الجهد العالي فاالمطبخ والحمامات